الشاعر: علي الشوين
خمسين عام والسفينه مبحره
خمسين عام تمر عام بعد عام
تبحر ببحر به المعاني وافره
ويابت معاني لي بها احلا الكلام
دار الخليج اروع مثال اتسطره
خمسين عام وهيه بالصف الامام
خمسين عام الها مغاني عامره
واليوم تتلبس بعد اغلا وسام
دار الخليج اللي شمسها مسفره
لي بنشرها نسفر على كل الانام
تاسست بحلا النضم لي مبهره
تاسست على اسس احلا نظام
لي اسسوها رجال اسمهم نذكره
تريم وعبدالله مثل بصمة ابهام
تاريخهم يبقا حروفه مسطره
يبقا بحضن الذاكره طول ليام
عليهم الرحمه وطلبنا المغفره
تغفر لهم يارب خلاف الانام
ومن بعدهم خالد بعد لي نشكره
كمل مسيرهم وبالمايوب قام
مجهود واضخ والافكار معبره
له بصمة وبالفعل نالت لحترام
مامات من خلف رجال اتقدره
خالد كفو تعجز على وصفه اقلام
في عيون جمهوره بعد يامكبره
وبين الملا يحضا بكل الاحترام
هذي نعم تبقا عمر الذاكره
في الذكره يبقا لها نقش اوشام
دار الخليج كم صحف لي ناشره
ومنها جردتنا الخليج فيها الكلام
عطاء ورياده وخدمه مباشره
يعني نقول الها سلام وثم سلام
اعلومها وخبار دايم عاطره
من فضل الله وفضل لي بالدور قام
اخبارها بالفرح دوم امبشره
تمشي على الدستور وعنهج الاحكام
ودار الخليج اليوم صارة مفخره
لعلامنا صارت فخر بين الاعلام
