شعر: علي الشوين
كل عام والمرأة الإماراتية بخيرْ
بذل وعطا وقوّة وعزم وإرادَةْ
عشانها نوقف احترام وتقديرْ
لانّها ركيزة وطن وهيّ اعتمادَهْ
بنت البلد أقول تستاهل الخيرْ
وتستاهل التقدير منّا وزيادَةْ
تستاهل الها تحثّ والله المشاويرْ
وتستاهل أكثر وثم اغلا شهادَةْ
الها تحيّة وافية وبالفعل غيرْ
بمعنى معنى الطيّب وكلمة إشادَةْ
بنت الإمارات قدرها عندنا كبيرْ
ابْها نفاخر وهيّ كفو للريادَةْ
ياكم منهنّ شفت أنا كثير وكثير
قايم بدوره لجلْ خدمة ابْلادَهْ
في كلّ مجال انشوفها دون تقصيرْ
عندها على بُعد النظر هي مِدادَهْ
للعلم علم وللثقافة مشاهيرْ
للضيف ملفى وللكرم شفت عادَة
هي مدرسة منها تخرّج مَناعير
وتعليمها ذا اليوم نجني حصادَهْ
وفي البيت إلها بالفعل كلّ تأثيرْ
تبقى عوين الرجل دايم سِنادَهْ
ويزهي عليها دوم لبس المخاويرْ
وفنّ الغرام انْ يات تحيي مَزادَهْ
نعم نعم أمّ الوفا ومنبع الخيرْ
وأمّ الصقور اللي غدوا اليوم قادَةْ
وتحلا بهذا اليوم طيب التعابيرْ
وتستقبله ابهجة وسرور وسعادَهْ
ثمانية وعشرين تاريخه ايصيرْ
شهر ثمانية كلّ عام اعتمادَهْ
تاريخ به يفرح منّه كبير وصغيرْ
ونلبس المرأة به أغلى قلادَهْ
هذي الإماراتية بدون تغييرْ
تبقا شرات النّهر صافي وِدادَهْ
